الزلابية من الحلويات الجميلة جدا واللي دايما بنحب نشتريها من برة ولكن دلوقتي
ممكن تعمليها في البيت بوصفة سهلة جدا وممكن كمان تعمليها بالسكر او بالعسل
ولو مش عايزة اي اضافات عليها هي برضه من غير حاجة هيبقي طعمها حلو اوي
لو اتبعتي الخطواط اللي هنقول عليها دلوقتي هتطلع معاكي زلابية زي الجاهزة واحسن كمان وتبقي
ضامنة انها نضيفة ومش متلوثة عشان تأكلي اطفالك منها وانتي مطمنة
هتحطى الدقيق فى طبق غويط وبعدها تحطى عليها النشا والخميره الفوريه والسكر والفانيليا
هتفضلى تقلبى الخلطه دى
وانتى بتقلبى هتزودى واحده واحده المايه عشان تبقى عجينه طريه معاكى تعرفى تتحكمى فيها
وبعد كده هتغطى العجينه عشان تخمر
بعد كده حطى الزيت على النار يسخن وبلى المعلقه بالزيت وشكلى الزلابيه بالشكل اللى يعجبك
وحطيها فى الزيت
واول متحمر طلعيها صفيها وجهزلها الشربات وحطيها فيها وبالف هنا وشفا يا ست الكل واحي
حاجة انك تاكليها وهي سخنة هتفرق جدا في طعمها عن وهي باردة مش هيبقي ليها
طعم اوي
كيفيه عمل الزلابيه
تحضير الزلابية في المنزل
كيفيه عمل الزلابيه
